Pak pas mbledhjes së grupit parlamentar të PD-së kryetari Lulzim Basha deklaroi se kryeministri Edi Rama nuk duhet t’u ushtrojë presion ndërkombëtareve. Mes të tjerash ai komentoi edhe dorëheqjen e kreut të SHIH-, Visho Ajza Lika, ndërsa theksoi se: “Ai ishte halë në sytë e Edi Ramës”
Kryetari i PD tha se në mbledhjen e grupit të PD u diskutua sërish për çështjen “Tahiri” dhe implikimin e tij të dyshuar në trafik droge.
Ai shprehu mbështetjen për punën e Prokurorisë dhe theksoi se ish-ministri i Brendshëm Saimir Tahiri nuk do t’i shpëtojë drejtësisë.
“Afera e Saimir Tahirit do të shkojë deri në fund. Saimir Tahiri nuk do t’i shpëtojë dot drejtësisë. Bota perëndimore nuk do të lejojë që Shqipëria të kthehet në një narko-shtet”, deklaroi Lulzim Basha
