Në komunikimin javor në rrjetet sociale, kryeministri Edi Rama foli për dosjen “Tahiri-Habilaj”, si të ishte një zënkë politike rutinë.
“Ka qenë një javë e trazuar. Politika e tolloviti edhe njëherë Shqipërinë me një grindje të sajën të brendshme. U thanë fjalët më të rënda. Akuzat fluturuan nga të 4 anët. Për qytetarin e zakonshëm, me plot të drejtë, mund të jetë dukur sikur përsëri, ne që jemi votuar të merremi me politikë për hallet e për shpresat e njerëzve, i harruam ato për t’u marrë me njëri tjetrin. Asgjë më zhgënjyese se kjo nuk mund të ketë për zgjedhësit, dhe unë ju kërkoj ndjesë nëse unë vetë apo grupi parlamentar, ju kemi lënë të njëjtën shije jo të mirë” u shpreh Rama.
