Ish-Ministri i Planifikimit i Argjentinës Julio De Vido është vetëdorëzuar në polici pasi është zhveshur nga imuniteti parlamentar. De Vido po përballet me akuza për korrupsion, të cilat ai i mohon.
Ish Ministri ka qënë një nga figurat kryesore politike nga viti 2003 deri më 2015, gjatë qeverive të presidentëve Cristina Fernández de Kirchner dhe Néstor Kirchner.
Gjatë kohës së tij si ministër i planifikimit, ai akuzohet ka marrë miliarda dollarë nga programet e infrastrukturës energjetike.
Ndër akuzat e tjera, ai është i dyshuar për shpërdorimin e parave nga një projekt që synonte rivendosjen e minierës së qymyrit Río Turbio në Patagoni.
De Vido u zgjodh në Dhomën e Deputetëve të Argjentinës në vitin 2015 dhe si ligjvënës gëzonte imunitet nga ndjekja penale. Por Dhoma e Deputetëve votoi të mërkurën për t’i hequr imunitetin e ish-ministrit. Ai është dërguar në burgun e sigurisë Ezeiza, jashtë kryeqytetit.
