Ish-ministri i Ministri i Shtetit për Çështjet Vendore, Bledi Çuçi deklaroi se heqja e ish-ministrit të Brendshëm Saimir Tahiri nga çdo strukturë e PS-së u bë për t’i hapur rrugë hetimeve të prokurorisë.
I ftuar në rubrikën ‘Opinion’ në “News24”, Çuçi komentoi vendimin e djeshëm të kryeministrit Edi Rama, njëherësh kreu i socialistëve, ndërsa e justifikoi këtë veprim për mosintimidim të organit të akuzës.
“Tahiri u nxor jashtë për të mos intiminuar prokurorinë për vazhdimin e hetimit. Që mos të intimidohet prokuroria u bë, pasi është ndryshe ku hetohet një deputet apo një njeri me post të lart në PS”, tha Çuçi.
Mes të tjerash Çuçi i doli në mbrojtje qëndrimit të ashpër që kryeministri pati ndaj Prokurorisë së Krimeve të Rënda, që sipas këtij të fundit ky institucion nuk ka lëvizur gishtin për asnjë çështj
“Politikanët, aq më tepër maxhoranca dhe kryeministri legjitimohen që të flasin politikisht. Aq më tepër kryeministri që sapo ka marrë një mandat shumice nga shqiptarët për të qeverisur.
Është krejt normale që një kryeministër të flasë politikisht, ndërsa prokuroria nuk duhet të bëjë politikë. Ne nuk bëjmë hetim për të nxjerrë fajtor. Gjithë ajo reklamë që pamë nga prokuroria, ishte ngutje.
Pa u marr në pyetje Tahiri, u kërkua që të arrestohej. Në të gjithë dosjen e prokurorisë nuk kishte qoftë edhe një provë. Çështja kundër Tahirit nuk është hedhur në short”, tha Çuçi. Po ashtu shtoi se: “Më vinte zor që dëgjoja atë nivel të Prokurorisë së Krimeve të Rënda atje.
Të gjitha gjasat të çojnë tek fakti se është një skenar politik. Për mua është krejtësisht i pafajshëm me aq prova sa kam parë unë. Nëse prokuroria ka prova të tjera dhe nuk na i tregon, atëherë e përforcoj më shumë faktin se gjithçka është politike”./BW/
