Ka nisur prej 1 ore e gjysmë mbledhja e Këshillit të Mandateve për të shqyrtuar kërkesën e Prokurorisë për heqjen e imunitetit për Saimir Tahirin.
Vetë ish-ministri I brendshëm është I pranishëm në sallën e mbledhjes. Prokuroria e Krimeve të Rënda kërkoi që mbledhja të zhvillohej me dyer të mbyllura për shkak të sekretit hetimor, megjithatë kërkesa nuk u mor parasysh. Prokurori Besim Hajdarmataj tha se ka dyshime të arsyeshme se në aktivitetin kriminal të grupit “Habilaj është i përfshirë edhe deputeti Saimir Tahiri, bazuar në përgjimet italiane.
“Kemi verifikuar të dhëna që përforcojnë bindjen tonë që realisht ato biseda përputhen me njëra-tjetrën duke kryer dhe disa verifikime në sistemin TIMS dhe ka rezultuar që Saimir Tahiri në 2013 duke pasur në pronësi një automjet të tij, e kishte shitur Artan Habilajt. Më mbrapa na ka rezultuar që ky automjet është ripërdorur gjatë viteve 2013-2014. Ka urdhëtuar kryesisht në Greqi. Na rezulton që ndërkohë që deputeti ndodhej në Greqi, automjeti është dërguar nga njëri prej vëllzërve Habilaj në Greqi dhe më pas deputeti është kthyer në Shqipëri.” Tha Prokurori.
Ai dekalroi gjithashtu se “Asnjëherë nga Policia e Shtetit nuk është referuar në Prokurori material për aktivitetin kriminal të Habilajve”.
