Gazetari i njohur i “The Economist”, Tim Judah shkruan në Twitter se tani e kupton pse autoritetet italiane nuk i kanë folur për Saimir Tahirin kur i pyeti.
Judah i bën komentet duke postuar një link për lajmin e kërkesës për heqjen e imunitetit Tahirit.
Vitin e shkuar Judah u fotografua në krah të Tahirit në fushat me kanabis.
Disa media shkruanin se Judah u bë pjesë e propagandës qeveritare.
Vetë Judah shkroi në “The Economist” se problemi i hashashit po bëhej më keq në Shqipëri.
Në shkrim ai theksonte se italianët nuk i ishin përgjigjur nëse pala shqiptare e ka seriozisht luftën ndaj kanabisit.
