Pas operacionit antidrogë në fshatin Babicë, policia vijon kontrollin në banesa të tjera në Vlorë dhe Sarandë.
Megaoperacioni me urdhër të Prokurorisë së Krimeve të Rënda, nisi rreth orës 22.00 të mërkurën në mbrëmje, kur rreth 100 efektivë policie të njësisë speciale nga Tirana, prokurorë të Prokurorisë së Përgjithshme dhe efektivë të Delta Force, si dhe forcat antidrogë të Vlorës, zbarkuan në fshatin Babicë e Vogël, rreth 10 km larg qytetit.
Gjatë aksionit, forcat speciale bastisën një banesë 2-katëshe ku u gjetën 10 ton kanabis sativa e paketuar, që ishte fshehur në bodrume. Sasia e madhe e drogës u transportua me kamion dhe furgon nga Babica në Drejtorinë e Policisë së Vlorës.
