Një ditë pas publikimit të dosjes italiane për bandën Habilaj, Ministri i brendshëm, Fatmir Xhafa akuzon gjykatësit që i kanë lënë të lirë trafikantët.
Në një aktivitet për luftën kundër trafiqeve të paligjshme, Xhafaj tha se Ministria që ai drejton dhe policia do të tregojnë tolerancë zero ndaj këtij fenomeni.
“Fjalime të tëra, emisione dhe shkrime pafund adresohen për trafikun e trafikantët, emrat e të cilëve janë bërë temë e ditës më shumë se asgjë tjetër, ndërkohë duhet të flisnim për thelbin e problemit, për mënyrën si do duhet të përballemi me dukuri të tilla që janë dukuri pa ngjyra dhe pa parti, të flisnin shumë më pak disa nga politikanët tanë, që cështjen e luftës kundër trafikut e shohin thjesht si trafik karrigesh pushteti e t’u jepet mundësi të veprojnë njerëzit e ligjit. Të gjithë flasin për trarfikun e trafikantët por harrojmë të kërkojmë llogari për njerëzit e ligjit qe në vite janë ridënuar dhe rivrarë për t’i shpëtuar burgun lloj-lloj trafikantëve që lëvizin lirshëm se kanë fituar imunitetin e drejtësisë së korruptuar”, tha Xhafaj.
