Media dhe disa gazetarë kanë paralajmëruar sot pasdite për arrestime të mundshme, ku ka dhe persona me një lloj imuniteti. Ndërkohë ish kryeministri Sali Berisha njofton se janë sekuestruar sasi të mëdha droge të gjetura në qytetin e Vlorës dhe arrestuar persona te implikuar në trafikun ndërkombetar te saj. Lajmi mbetet ende i pakonfirmuar por flitet se pjesë e arrestimeve të mundshme janë dhe bashkëpuntorë të klanit Habilaj.
Lënda narkotike është zbuluar në një magazinë në Babicë. Sipas burimeve të Report Tv nga policia aksioni po zhvillohej për arrestimin e Florian Habilajt dhe personave të tjerë që janë në kërkim, ndërsa është zbuluar droga.
Operacioni është zhvilluar nga Prokuroria e Krimeve të Rënda pas takimit të një nate më parë dhe informacioneve nga SHISH.
