Pas tryezës së opozitës së bashkuar Basha deklaroi: Kërkojmë largimin e kryeministrit Rama si drejtues i narkoshtetit. Kërkojmë krijimin e një qeverie antimafia, me qëllim shembjen e lidhjeve të politikës me krimin.
Lideri demokrat theksoi se “Kemi dalë me një qëndrim të përbashkët. Vendimi është krijimi I një fronti opozitar kundër krimit. Ftesa qëndron e hapur për cdo parti tjetër politike e factor shoqëror. Për intelektualët, shoqërinë civile, median, sepse Shqipëria ndodhet para një gremine të vërtetë. Si ndjehet dikush që për 4 vite ka denoncuar lidhjet e Ramës me krimin dhe të gjitha dalin?
Dosja e djeshme, është vetëm maja e ajsbergut. Pyetja ime është për të gjithë ata që kanë luftuar në këtë betejë për të shembur kupolën e lidhjes krim- politikë.
Sot kemi provat e mjaftueshme se zgjedhjet u kriminalizuan. Pyetja e cdo shqiptari është cfarë do bëjmë më tej? A i besohet rendi dhe siguria jonë kësaj kupole kriminale? A mund të kenë shqiptarët besim se kjo qeveri mund të bëjë reformën në drejtësi? Kjo është koha që të marrim vendime të mëdha jo për partitë politikem as për fatin e PD, por të çdo shqiptari dhe fëmijëve të tyre”.
