Konferenca e pestë kombëtare e Shoqates Kulturore “Arumunët e Shqipërisë” ka zhvilluar sot punimet në Tiranë, duke patur si përmbyllje të rendit të ditës zgjedhjen e forumeve të reja drejtuese.
Në Konferencë u pjesëmorën kryetarët e filialeve të shoqatës të të gjitha rretheve të vendit, si edhe antarët e Këshillit të saj Kombëtar.
Në qendër të tematikës së Konferencës ishte analiza e punës së Shoqatës gjatë mandatit të shkuar, e referuar nëpërmjet një raporti të mbajtur nga kryetari i saj z. Koçi Janko, dhe, më pas, rendi i ditës vijoi me pyetje e diskutime të shumta nga të pranishmit.
Në fund u kalua në propozime dhe votime për të zgjedhur personat parfaqësues të Kryesisë së re si dhe drejtuesit e rinj te Shoqatës.
Pas procedurave Kryesia zgjodhi si kryetar të Shoqatës Kombëtare Kulturore të arumuneve të Shqiperis Z. Enkelejd Çollaku, si dhe dy nënkryetarët , përkatësisht znj. Mirela Veriga e z. Pano Baklli, kurse sekretar të Përgjithshem z. Josif Kruti.
