Boldnews.al mëson se është arrestuar drejtuesi i mjetit, ku humbi jetën Enea Rama, ish nipi i Fatmir Ramës i njohur si Miri i Xhikës. Sipas një komunikimi me autoritetet malazeze, pas aksidentit të ndodhur në Tivar në orët e para të mëngjesit të 12 gushtit, policia ka arrestuar 2 personat e tjerë që ndodheshin në makinë, mes të cilëve edhe Shpresim Bajraktari. Policia malazeze bën me dije për Boldnews.al, se Bajraktari bashkë me një shtetas tjetër janë shoqëruar fillimisht për të marrë ndihmën e parë mjekësore dhe më pas janë izoluar në ambjentet e policisë deri në sqarimin e rrethanave që shkaktuan humbjen e jetës së 29-vjeçarit Enea Rama.
Lajmi është tentuar të mbahet i fshehur nga familjarët e Bajraktarit, ndërsa mësohet se i ndjeri Enea Rama ka qënë mik i ngushtë i Shpresim Bajraktarit. Ky i fundit është emër i njohur për policinë shqiptare. Pak javë më parë ai ishte protagonist i dhunës së ushtruar ndaj një efektivi të policisë, ndërsa tani është i arrestuar për të shpjeguar shkaqet e aksidetit rrugor në Tivar të Malit të Zi. Bajraktari njihet edhe për lidhjet e tij të afërta me familjen Hoxha që ka në administrim Top Channel, por edhe për bizneset që ka në zotërim që nga “Speedtaxy” e deri tek kioskat e vendosura në Tiranë. Vëllai i Shpresim Bajraktarit është edhe i fejuari i Lori Hoxhës, një nga trashëgimtaret e Top Channel.
Ndërkohë i ndjeri Enea Rama, ishte nipi i Fatmir Ramës (Miri i Xhikes) i cili u vra në një atentat në vitin 2003 tek ish Kartodromi në Tiranë (sot TEG). Enea ishte djali i madh i Luan Ramës ndërsa njihej nga të gjithë miqtë e tij për pasionin që kishte për makinat e luksoze dhe udhëtimet jashtë Shqipërisë.
Qindra miq dhe të afërm të shumtë ishin ata që të dielën përcollën e Enean në banesën e fundit, pranë varrezave të Sharrës.
(Në foto me rreth të kuq Enea Rama ndërsa majtas miku i tij Shpresim Bajraktari)
