Nga Lolita
6:30 Erioni ngrihet, hap Facebook dhe sheh komentet pastaj sheh diellin dhe regjistron një mesazh zanor “Falënderoj Edi Ramën që tërhoqi litarin dhe ngriti diellin mbi atdheun tonë!” ia çon Edit.
6:31 i çon një sms zanore në email George Soros “Thanks dad! Pa ty do shisja fiq ose do isha një maturant i thjeshtë i Sami Frashërit”
7:00 Mirëmëngjesi Tirana dhe skedulohet postimi i mëngjesit për faqen e tij në Facebook.
7:30 Përshëndet përzemërsisht Ajolën që i tregon një fustan të qepur nga gjyshja e saj Coco Chanel
8:00 Ka mbaruar mëngjesin dhe në një çantë ka marrë kekun e mamit dhe bukën me vete duke u nisur për në bashki.
8:10 Zbret nga makina në një stacion autobusi tek libri universitar, një fotograf i Bashkisë Tiranë që rastësisht kalon aty nxjerr aparatin dhe bën një foto që po aq rastësisht e dërgon në media me titullin “Kryetari i Bashkisë shkon në punë me autobus”
8:20 Hyn në zyrë dhe lexon tek Tiranapost “Gjejeni me çfarë shkon në punë kryetari i Bashkisë Erion Veliaj” një opinion nga Mira Kazhani, nxjerr celularin dhe i çon një sms “thanks Mira!”
8:30 Në celular vjen një sms me zë nga Edi Rama “O rrotë k…!” një buzëqeshje krenarie vishet në fytyrën e Erionit dhe një drithërimë kënaqësie i kalon nga poshtë lart!
8:35 I çon një sms Tanja Fajon “Morning my Tania! Erion”
8:36 “Morning mister Withers!”
9:00 Sekretarja e lajmëron për takimin që Erioni ka me pronarët e mediave dhe ndërtuesit. Përcaktohen politkat e reja të minutave në televizor nga 80% Rama, 10% Veliaj dhe 10% Tahiri do të konvertohen në 60% Rama, 30% Veliaj dhe 10% Tahiri ku në përqindjen e Tahirit gjysma do shkoj për sulm ndaj Tahirit. Më pas diskutohet imtësisht për planin urbanistik dhe njollat e ndërtimeve.
10:00 Stefano Boeri lidhet me Erion Veliaj dhe ndërtuesit ku përcaktohet për dhjetë kulla mbi 70 kate. Ndërtuesit hedhin short se si do ndërtohen ndërkohë që ndajnë përqindjet.
11:00 Në zyrën e kryetarit ka një takim mes Veliaj dhe kryetarëve të OJF-ve ku studiohet për çfarë duhet të protestojnë OJF-të. Në mbledhje vjen edhe shefi i AMSHC, shefi USAID, Dalina Fico dhe përgjegjësia e fondeve të BE në Tiranë, bihet dakord që Veliaj nuk do preket për parqet por do luftohet për reformën në drejtësi.
12:00 Nis vëzhgimi i Veliaj për punonjësit në bashki se çfarë postojnë dhe sa komente lëvduese kanë për kryetarin. Pasi vëzhgon memon që ka ardhur nga zyra e shtypit dhe spiunazhit në bashki vendosen personat që do të pushohen nga puna.
12:30 Eri fillon të hajë bukën dhe kekun që ia ka bërë mami me duart e shërbëtores tek shtëpia e Ajolës.
13:00 Merr info që duhet të paraqitet në parkun numër 11 për setin fotografik dhe videoklipin e radhës.
13:30 Paraqitet dhe sheh dymbëdhjetë fotografë, katër kameramanë, tre grimiere të cilët merren me videoklipin dhe fotot e lalit
14:00 Nis xhirimet dhe pas tre dublave përfundon klipi për parkun numër 11.
17:00 Përfundojnë tetë kronikat me videoklipe që shpërndahen në media ndërsa gjithë paraditen janë shpërndarë transmetime live të rregjistruara një ditë më parë.
17:30 Takim në zyrë me Stefano Boerin për ekspozitën që do bëhet në nder të Edi Ramës dhe titullin Piktori i ri Edi për studentin më të mirë të arteve
18:00 Takim me kunatin e kryetarit të opozitës për lejet e ndërtimit
19:00 Takim me përfaqësuesin e presidentit të sapozgjedhur, zonjën Kryemadhi, për lejet e ndërtimit dhe problemet e koalicionit të vogël
20:00 Një sms falënderimi për Edi Ramën “Lideri im, frymëzimi im, faleminderit që e lëshove litarin dhe mundësove perëndimin e diellit”
20:01 “Më çave k…. o bo*e!” i përgjigjet Rama.
20:02 “Romana ime, a mund të pimë një kafe bashkë tek Rolling Hills? Erioni”
20:03 “Erioni im, eja se jam me Elona Çaushin. Romana!”
20:30 Një darkë pune me Elonën, Romanën dhe një drejtues të një medie të pavarur ndërkombëtare.
21:00 Në hyrje të shtëpisë takon Ilva Taren, Mira Kazhanin, @Iva Tiçon, Valbona Selimllarin, Iris Luarasin të cilat po dilnin me Ajolën për të parë Sex and the City si dhe duke admiruar fustanet që gjyshërit Valentino dhe Chanel kishin qepur për Ajolën!
22:30 Eri është i vetëm në shtëpi. Kundërshtarët janë mposhtur, çunat dhe gocat e MJAFT janë ngopur, mediat vazhdojnë ta lëvdojnë me titra. Ajola nuk është kthyer. Lali porosit me mesazh zyrën e shtypit “Për shpërndarje të menjëhershme. Duke qenë se nesër do jetë një ditë e super-nxehtë, mos harroni të përqafoni gjyshet tuaja!” Pasi mbaron punë, Eri ulet në bisht. Është fare vetëm. Dikur do të bëhet kryeministër. Pas kësaj ai e di se s’ka çfarë më të presë.
