Boldnews.al mëson se kryetari i LIBRA, Ben Blushi pritet të publikojë në ditët në vijim të tjera skandale me vjedhjen e votave më 25 qershor. Në të njëjtën kohë, ai ka ndërmarrë edhe hapa ligjore duke kallëzuar në prokurori 4 numërues të partive politike. Këta të fundit kishin zhdukur 18 vota të LIBRA në Tiranë, në vetëm 2 kuti.
Nëse shifrat e skandalit janë të përmasave të tilla, ku në çdo kuti janë zhdukur mbi 10 vota, atëhere pikëpyetje të mëdha ngrihen edhe mbi legjitimitetin e mandatit të ri qeverisës të Partisë Socialiste.
Më poshtë statusi i Blushit:
PADI PËR 4 NUMËRUES
Sot kam paditur në Prokurori katër numërues që vetëm në dy kuti në Tiranë kanë zhdukur 18 vota LIBRA.Këta janë Mirand Seferi,Ergys Hila,Elona Filloli dhe Florian Shkreta. Mbikqyrja e filmave të KQZ tregon se nuk janë vetëm kta por edhe shumë të tjerë dhe kallëzimet penale do vazhdojnë.Ka ardhur koha që dikush të ketë frikë nga zgjedhjet.Më poshtë keni të plotë padinë time.
