Zëvendëskryeministrja, Ledina Mandija në cilësinë e kryesueses së Task Forcës ka referuar në Prokurori punësimet në tre institucione, në Drejtorinë e Përgjithshme të Hekurudhave, në shoqërinë Albpetrol dhe në Ujësjellës Kanalizime Durrës.
Sipas njoftimit të zv/kryeminisres “gjatë periudhës 25 Maj deri në datën 12 Qershor në Drejtorinë e Hekurudhave Durrës janë firmosur 11 shkresa sipas të cilave rezulton që janë punësuar 20 persona, në shkelje të Kodit Zgjedhor ku përcaktohet qartë që gjatë fushatës zgjedhore ndalohet marrja në punë, pushimi nga puna, lirimi etj.”
Po ashtu zv/kryeministrja thotë se “në shoqërinë Albetrol që është në varësi të ministrisë së Energjisë pas datës 26 Maj 2017 janë punësuar 18 shtetas në shkelje të Kodit Elektoral.”
Edhe në Drejtorine e Ujësjellës Kanalizime Durrës gjatë periudhës 25 Maj deri në 13 qershor 2017 janë konstatuar punësime në shkelje të kodit Elektoral.
