Nga ajo që dëgjohet nga video e momentit të shkëmbimit të batutave të kryeministrit Rama me Lulzim Bashën, kryeministri i thotë Bashës të ngjiten lart.
“O Lul, hajde lart tani” – tha Rama.
Basha ia ka kthyer: “Me ty kam punë brenda, jo këtu”.
Basha ishte duke sqaruar për deklaratat e tij mbi katolikët e veriut para Kuvendit, para se të mbërrinte Rama, i cili ka qendruar për pak duke e dëgjuar, para se ta ftonte që të hynin brenda.
Rama ka pranuar të marrë pjesë në tryezën e thirrur nga Agron Duka e Fatmir Mediu, në të cilën janë të pranishëm të gjithë kryetarët e partive parlamentare.
Tryeza synon që të gjejë një zgjidhje brenda mesnatës, e cila do të bënte të mundur që në zgjedhjet parlamentare të merrnin pjesë edhe partitë parlamentare.
