Deputeti i PS-së, Alfred Peza ka reaguar pas vendmit të Prokurorisë për sekuestrimin e pasurisë. Me anë të një deklarate për media, Peza tha se prokuroria po e heton si gazetar dhe jo si politikan.
Këtë veprim të prokurorisë, Peza e ka konsideruar si të paprecedent, ndërsa thekson se deri më tani nuk raportuar ende se për çfarë vepre penale e akuzon Prokuroria.
“Kemi të bëjmë me një fakt të pakundërshtueshëm edhe nga organi i Prokurorisë. Që do të thotë, se unë po hetohem si gazetar dhe jo si deputet. Kjo do të thotë se Prokuroria e Përgjithshme nuk ka asnjë problem me politikanin Peza. Në këto kushte, të paktën në dijeninë time, organini i Republikës po heton se si e ka vënë pasurinë një gazetar në Republikën e Shqipërisë. Kjo është e paprecedentë. Më duhet ta evidentoj fortë, këto që po hetohen sot, mund të ishin hetuar fare mirë në 2012-ën. Asnjë aludim korruptiv nuk mund të qëndrojë në punën time në media si gazetar. Prokuroria nuk ka treguar se çfarë vepre penale unë kam kryer”, u shpreh Peza.
