Ish-deputeti Mark Frroku mohon vrasjen e vitit 1999 në Bruksel të Belgjikës, vepër për të cilën është dënuar nga drejtësia belge me 10 vjet heqje lirie.
“Unë nuk e kam kryer këtë vrasje në Belgjikë në vitin 1999. Unë kam qenë në Shqipëri më 15 mars 1999, 1500 km larg nga Brukseli. Unë do të shtoja se nuk kam mbrojtje në Shqipëri. Në qoftë se do të kisha mbrojtje siç mendohet, nuk do të isha këtu në burg prej dy vjetësh”, ka thënë Frroku për median belge dhnet.be.
“Mes burgjeve belge, holandeze dhe shqiptare, më të vështira janë ato shqiptarë”, citohet ai nga “La Dernière Heure”, në një artikull të publikuar këtë të këtë të martë.
A u bë ai anëtar i Parlamentit që të merrte imunitetin dhe t’i shpëtonte drejtësisë belge dhe 10 viteve burgim?
“Unë u zgjodha në mënyre rregullt, përballë kandidatëve seriozë, me 7,000 vota avantazh. Nuk kishte asnjë rreng, padyshim”, ka shtuar Frroku.
Në një artikull të publikuar disa ditë më parë, “La Dernière Heure” shkruante se Frroku po “njeri i afërt me pushtetin”, ka arritur ti shpëtojë ekstradimit falë politikës.
Sot, Prokuroria e Tiranës ka vendosur të ndryshojë njërën nga akuzat që rendojnë mbi deputetin, nga ndërtim i paligjshëm në ndërtim i paligjshëm për qëllime përfitimi që deputetit Frroku mund t’i shtojë edhe pesë vjet heqje lirie.
Kërkesa u bë në Gjykatën e Tiranës teksa pritej që organi i akuzës të paraqet konkluzionet përfundimtare dhe të kërkonte dënimin për Frrokun.
Ish-deputeti ndodhet prej afro një viti i arrestuar. Prokuroria e akuzon Frokun për vrasjen e Aleksandër Kurtit më 1999 në Belgjikë, për ndërtimit të paligjshëm dhe mosdeklarimit te pasurisë.
Në seancën e radhës në 7 mars pritet që organi i akuzës ti kërkojë gjykatës edhe masën e dënimit për ish deputetin.
