Edhe pse KQZ-ja nuk i hoqi sot mandatin pas kërkesës së Prokurorisë, deputeti socialist Armando Prenga dha dorëheqjen. Në letrën e drejtuar kryetarit të Kuvendit. Prenga shprehet se jep dorëheqjen edhe pse nuk preket nga ligji i dekriminalizimit.
Por personi që vjen në listën e Lezhës, pas Armando Prengës, Kastriot Piroli, rezulton të ketë edhe ai probleme me drejtësinë.
Mësohet se ndaj tij ka dy vendime të formës së prerë në vitin 2016, për veprën penale “shpërdorim detyre”, gjatë kohës që ushtronte detyrën e Drejtorit të Hipotekës së Kurbinit.
Piroli është dënuar me një vit e 6 muaj burg, që i është konvertuar me 18 muaj shërbim prove. Ndërsa herën e dytë është dënuar me 6 muaj burg, të cilin e ka shlyer me periudhën e paraburgimit.
Dhe në të dyja rastet Apeli e ka shpallur fajtor, e për pasojë Kastriot Pireli është subjekt i ligjit të Dekriminalzimit dhe nuk mund të zërë karrigen e lënë bosh nga Prenga, raporton “Shuplaka”.
Pas Pirolit, kandidati vijues në listën e Partisë Socialiste për qarkun e Lezhës është Mirela Neli.
Dhe nëse ajo nuk merr mandatin, përflitet që mandati i Lezhës mund t’i kalojë LSI-së.
