Policia e Vlorës jep detaje lidhur me lëndën narkotike të bllokuar mbrëmjen e djeshme, pas ndjekjes së një gomoneje.
Gjatë operacionit të koduar “Forest” u sekuestrua 900 kilogramë kanabis sativa në plazhi ne Zvërnecit, u sekuestrua një gomone dhe u arrestuan gjashtë persona.
Lënda narkotike me peshë totale prej 900 kilogramë, u gjet rreth 50 metër larg bregut të detit, e paketuar nëpër pako me peshë 15-30 kg secila, me mbështjellje natribani.
Pas pikasjes nga policia mjeti lundrues u largua në tentativë për t’i shpëtuar ndjekjes, por u bllokua nga Policia Kufitare dhe Guardia di Finanaza pak minuta më vonë në Gjirin e Portonovës, Zvernec.
Mjeti lundrues, është 6 metër i gjatë dhe 2.4 metër i gjerë dhe ka një motor motor 75 CC.
Mbi bazën e këtij operacioni, gjatë ndjekjes së vazhdueshme të bashkëpunëtorëve në trafikun e lëndës narkotike, policia ka bërë të mundur kapjen e pilotit të gomones dhe ndihmësit të tij Jani Bajramaj dhe Eduart Abazi, të cilët u arrestuan pas 8 orë ndjekjesh në pyllin e fshatit Pish Poro.
Të arrestuarit e këtij operacioni janë Eduart Grabova, 39 vjeç, banues në fshatin Babicë e Madhe, Redjan Hasanaj, 28 vjeç, banues në Vlorë, Napolon Arshiaj, 27 vjeç, banues në fshatin Lepenicë, Ilir Qejvani, 24 vjeç, banues në Vlorë, Jani Bajramaj, 24 vjeç, banues në fshatin Lukovë dhe Eduart Abazi, 49 vjeç, banues në Vlorë.
Grabova, Arshiaj, Hasanaj dhe Qejvani, u arrestuan nga policia në momentin kur tentuan të ngarkonin lëndën narkotike në gomone, në vendin e quajtur “Hunda e plakut”, vend në të cilin kishin transportuar pakot me lëndë narkotike nëpërmjet dy automjeteve Benz me targë AA 252 DK dhe Toyota me targë AA 354 MK.
Aktualisht vijojnë hetimet për kapjen e personave të tjerë të implikuar dhe dokumentimin e plotë të kësaj veprimtarie kriminale.
