Prokuroria e Përgjithshme, Drejtoria për Dekriminilazimin i ka kthyer përgjigje sot Komisionit Qendror të Zgjedhjeve, duke i kërkuar sërish zyrtarisht ndërprerjen e menjëhershme të mandatit të deputetit Armando Prenga.
Sipas organit qëndror të akuzës, ky i fundit nuk ka respektuar kërkesat e ligjit për plotësimin e të dhënave, duke mos deklaruar, më së pari, një dënim të formës së prerë nga Gjykata e Kurbinit, si edhe precedentet penalë në Itali.
Sipas Vendimit të Kuvendit nr.17/2016, mosplotësimi i të dhënave “…sjell përjashtimin e menjëhershëm nga funksioni publik….”. Pra, vetëm duke u mbështetur vetëm në faktin që ka një vendim penal të padeklaruar (të gjykatës së Kurbinit), deputetit duhet t’i nderpritet menjëherë mandati.
“…Prokuroria e Përgjithshme ka dërguar përgjigjen ditën e sotme për t’i dhënë mundësinë KQZ-së që të shqyrtojë brenda afatit ligjor, kërkesën për ndërprerje të mandatit të deputetit Prenga”, thuhet një njoftim.
KQZ ka detyrim që të shqyrtojë vendimin e Prokurorisë brenda 10 ditëve, nga kjo vendimmarrja e Prokurorisë së Përgjithshme. Prokuroria e Përgjithshme ka marrë vendim për konstatimin e ndërprerjes së mandatit të deputetit Prenga në dt.15.02.2017….”
