Në ditën e shtatë të protestës së opozitës përpara sheshit të Kryeministrisë, kryedemokrati Lulzim Basha pati një bashkëbisedime me komunitetin e biznesit. Basha duke folur edhe para protestuesve në bulevard tha sot se qeveria Rama i shërben vetëm xhepave të bizneseve pranë tij në kurriz të popullit të thjeshtë.
Basha tha se ekonomia shqiptare me qeverisjen e Ramës nuk është konkuruese në rajon, sepse kjo qeveri sipas tij i shërben vetëm interesave të korruptuara.
“4 ose 5 kodoshë biznesmenë që populli i thtoë oligarkë, që rrinë çdo ditë tek zyra e Ramës dhe çdo ditë marrin thelat e mishit të kaposhit, që në fakt është buka që u hiqet qytearëve shqiptarë…Jo kriminelët, jo kodoshë biznesmenët! Kjo s’është thjesht një protestë, por një luftë që ka nisur e shqiptarëve që kanë vendosur ta marrin vetë në dorë fatin e tyre përmes zgjedhjeve të lira dhe të ndershme”, tha Basha.
Basha përmendi me emër Thoma Gëllçin e TVSH duke iu bërë thirrje protestuesve ta tërheqin zvarrë nga zyra.
“Thoma Gëllçi o pleh, do të tërheqin zvarrë nga TVSH! Thyejani xhamat e dritareve, shpojani gomat e makinave. Doni luftë, luftë do të ketë, por qytetarët do të fitojnë. Cohuni! T’i bëjnë llogaritë mirë, përndryshe vala popullore do t’i fshijë nga zyrat! Durimit të popullit i ka ardhur fundi…Boll me provokime…!”, tha Basha.
Basha i kërkoi ambasadorit amerikan në Tiranë që t’i heqë vizën Edi Ramës dhe Saimir Tahirit.
Basha: Kjo është një lëvizje popullore pa kthim, nuk është një lëvizje partiake. Durimi popullit i ka ardhur fundi, durimit tonë i ka ardhur fundi. Boll me provokime, boll me akte të paligjshme. Zemërimi po vjen dhe kur zemërata popullore të ngrihet nuk do të gjeni vrimë miu ku të futeni. Të reagojmë orë e minutë. Mos ktheni faqen tjetër, por qëlloni me grusht. Për çdo padrejtësi, reagoni, qëlloni me grusht. Koha kur populli të trajtohet si dele po merr fund dhe këtu do të jemi derisa të mposhtim padrejtësinë. Koha ka ardhur të zgjidhin gjuhën edhe ata që e kanë mbajtur të lidhur deri më sot. 2 miliardë euro mund të lidhin gjuhë politikanësh. 2 miliardë euro nga droga, të trefishuar thotë Antimafia italiane. Hiqni dorashkat, zgjidhni gjuhën dhe tregoni botës problemin e Shqipërisë. Përsëris thirrjen për ambasadorin amerikan: Hiqi vizën Edi Ramës, hiqi vizën Saimit Tahirit.
Opozita kërkon qeveri teknike për të mundësuar zhvillimin e zgjedhjeve të lira dhe të ndershme.
