Megjithëse prej pesë vjetësh flet nga pozitat e ish Presidentit, post për të cilin u konfliktua me Sali Berishën, Bamir Topi vijon përplasjet në distancë me ish kryetarin e partisë së tij.
Tre ditë më parë Sali Berisha nga News 24 sulmoi Bamir Topin si shkatërrues të sistemit të drejtësisë në vend. Ndërkohë që dje nuk mungoi edhe përgjigjja e Topit, gjatë një interviste për gazetën Tema.
PËRPLASJET BERISHA¬ TOPI NE 24 ORE
Për Drejtësinë
SALI BERISHA: Mua më kanë akuzuar për krime kundër njerëzimit, 8 muaj para arrestimit të Millosheviçit, kur Arben Rakipi bashkëpunëtor në reformë, nxirrte shishen e pepsi colës dhe e nxirrte si provë. Pra, ne kishim idealizëm absolut për reformën. Ky sistem duhej ndryshuar. Bamir Topi vendosi sistemin më katastrofal.
BAMIR TOPI: Kushtetuta ka parashikuar qartë se për të gjitha rastet që lidhen me emërtesat në institucionet e Drejtësisë, Presidenti vetëm propozon mbi njerëzit që plotësojnë detyrimet kushtetuese, ndërsa miratimin ose jo e ka pasur në dorë mazhoranca e Sali Berishës. Çfarë ka dashur e ka rrëzuar, çfarë ka dashur e ka pranuar. Rolin deçiziv për ligjet e drejtësisë dhe emërimin në mënyrë të qartë e ka Parlamenti dhe specifikishtmazhoranca e radhës. Për ti kujtuar së fundi Sali Berishës se Shqipëria nuk është Republikë Presidenciale por parlamentare, ndaj të marrë përgjegjësitë që i takojnë për krizën e sistemit dhe pasojat që ndihen sot. Formimi i tij totalitar, dëshira për të kontrolluar gjithçka dhe zullumet pa fund gjatë karrierës politike, e kanë bërë rrënuesin e vërtetë në sistemin e drejtësisë dhe të institucioneve demokratike në përgjithësi, Dhe kur përmënd Bamir Topin unë kam përgjegjësi për të sepse unë e promovova, nuk ma imponoi njëri. Ai e shkatërroi sistemin. Po të kthehsha prap sdo e bëja kurrë këtë zgjedhje.
Për zgjedhjen President
SALI BERISHA: Kur përmend Bamir Topin unë kam përgjegjësi për të sepse unë e promovova, nuk ma imponoi njëri. Ai e shkatërroi sistemin. Po të kthehsha prap sdo e bëja kurrë këtë zgjedhje.
I pyetur lidhur me protestën e opozitës dhe propozimin për një qeveri teknike që mund të garantojë cilësinë e zgjedhjeve parlamentare, Topi argumenton se kjo është një çështje shumë më e thellë. “Në princip askush nuk mund të frenojë vendimet e opozitës për të protestuar dhe për të dhënë opsionet politike dhe me aq sa kam parë, demonstrimi apo ngritja e çadrës është pranuar pa asnjë problem.
Çështja që diskutojmë është shumë më e thellë, e cituar pafund nga FRD¬ja dhe unë personalisht se dy aktorët kryesorë akuzojnë për vjedhje zgjedhjesh. E kemi parë në vitin 2009 kur Sali Berisha ishte në pushtet, e shohim sot në anën e kundërt kur janë në opozitë,” pohon ish¬presidenti. Sa i përket rreziqeve që mund të vinë nga cilësia e ulët e zgjedhjeve, Topi vendos theksin tek ndryshimet kushtetuese të bëra më herët. Ai sugjeroi komisione jo partiake për të ribërë kodin zgjedhor.
“I kujtoj Sali Berishës ndryshimin e Kushtetutës në vitin 2008, ku futi në krizë besimin për zgjedhje të lira dhe korrekte, duke i bërë komisionet me përfaqësues militantë, grabitës dhe manipulues të rezultateve zgjedhore. I kujtoj të gjithë atyre që në emër të interesave partiake, dhunuan votat e të pambrojturve duke prodhuar institucione me probleme të mëdha. Pra në një farë mënyre po merr frytet e një peme që ish¬kryeministri e mbolli vetë. Edhe në këtë çast i drejtohem komisionit të reformës zgjedhore t’i kthehen punës për të korrigjuar ligjin aktual që prodhon padrejtësi. Atje është vendi për tu ribërë ligji, të kemi komisione jo partiake dhe të mbahet krimi larg zgjedhjeve,” përfundon Topi.