Grevistët e Zharrzës janë nisur sot në këmbë drejt Tiranës, në shenjë proteste ndaj braktisjes që sipas tyre i ka bërë qeveria kërkesave të tyre.
Lapsi.al sjell një tjetër video teksa ata kanë arritur afër Lushnjës. 40 banorë të fshatit Zharrëz e nisën në mëngjes “marshim për drejtësi”. Rrugës u janë bashkuar edhe qytetarë të ndryshëm.
Grevistët e Zharrzës kanë mbërritur në qytetin e Lushnjes sonte në mbrëmje. Për shkak të lodhjes fizike pasi udhëtuan për orë me radhë me këmbë, ata do të flenë në tenda në Lushnje, ndërsa nesër do të vijojnë marshimin drejt kryeqytetit.
Banorët e Zharrzës kërkojnë që kompania “Bankers Petrolium” t’i ndërpresë punimet për nxjerrjen e naftës. Shpërthimet që përdoren për këtë proces, thonë se u kanë dëmtuar shtëpitë.
Por ende thirrjet e tyre nuk janë dëgjuar nga qeveria. Edhe pse ata kanë rreth 20 ditë në grevë urie.
