Rreth 40 procedime penale janë regjistruar javën e fundit, për zyrtare të ndryshëm, pasi nga verifikimet e Prokurorisë së Përgjithshme për “Dekriminalizimin”, rezultojnë që nuk kanë deklaruar problemet që kanë patur me ligjin në të kaluarën.
Mësohet se ndër personat që do të hetohen përfshihet edhe një zyrtar i lartë në Drejtorinë e Përgjithshme të Tatimeve.
Sipas burimeve nga prokuroria, bëhet e ditur se në këtë listë përfshihen edhe deputetët, Artan Gaçe i PS-së, Omer Mane i PDIU-së dhe Mhill Fufi i PD-së, raporton “Hashtag.al”.
Tre deputetët kanë dhënë sot shenjat e gishtave në polici, për verifikimet e mëtejshme.
