“Rama pranon të ikë vetë dhe kokën e Tahirit nuk e lëshon”, kështu i komenton lajmet e fundit ish- zëvendësministri Dritan Hila, ku thuhet se Rama ka ofruar kokën e Tahirit që opozita të dalë nga protesta.
Hila: Edi Rama pranon të iki vetë dhe kokën e Saimir Tahirin nuk e lëshon. A keni llogari politikën?! U pa kjo në përplasjen me Ilir Metën.
Në “Ora e Intervistës”, Hila tha se mazhoranca është më e favorizuar në këtë betejë.
Hila: Palët duan të tregojnë që janë të fortë në qëndrimet e tyre, që nuk i bën përshtypje qëndrimi i tjetrit. Jemi në një lloj teknike negocimit që kanë dhe kjo është faza ku të dyja palët bëjnë muri kundër murit. Ka një problem që pala që është në pushtet është më komode dhe ka kohën në favor të saj, ndërsa pala që është në protestë është në ngërçe, sic janë ato të njerëzve që do ti vijnë, ngërce financiare sepse perotestat kushtojnë dhe për tu justifikuar në sy të mbështetësve të tyre se çfarë rezultate kanë arritur sepse dihet që durimi politik i shqiptarëve është i shkurtër dhe në këtë pikë mendoj që pushteti është në favor dhe do të dijë ta lozi efektin kohë.
Hila tha se nëse kërkesa ultimaive e opozitës nuk bëhet me faktorë të tjerë politikë siç është LSI apo PDIU rrezikon të defaktorizojë PD
Hila: Mua nuk më duhet se palët janë të pazbutura pavarësisht se PD ka vënë një kërkesë maksimale që nuk futet në zgjedhje nëse nuk ka qeveri teknike, por është kujtuar vonë për të bërë një kujtesë maksimaliste. Mos harrojmë që gjithcka ka përshkallëzimin e vetë. PD është kujtuar të denoncojë një ditë të bukur. Ka denoncuar vazhdimisht aferat e qeverisë, dilnin në tribunë 5 minuta dhe iknin. Por kjo nuk është opozitë. Opozitë është ta mbash nën presion qeverinë. PD është paguar që të bëjë opozitën, nuk e ka bërë fare opozitën. Dhe tani del dhe thotë nuk hyj në zgjedhje. Është fakt që PD e ka defaktorizuar veten në këto 3 vjet e gjysmë. Kjo kërkesë ultimative nëse nuk do dijë ta bëjë me faktorët e tjerë politikë mund ta defaktorizojë komplet PD. Kush janë faktorë të tjerë politikë? Nuk janë as Fatmir Mediu, as Agron Duka por janë ata që janë zëra më vete në Parlament. Është LSI, është PDIU pra këto janë parti deputetësh.
