Artur Zoto, ish-drejtori i Burgjeve, u arrestua sot nga policia pasi është i dyshuar për korrupsion.
Mësohet se me kërkesë të Prokurorisë së Krimeve të Renda, Gjykata e Krimeve ka vendosur masën e sigurisë “arrest me burg” për ish-drejtorin e Përgjithshëm të Burgjeve, Artur Zoto.
Zoto është i dyshuar për “korrupsion pasiv”, në kuadër të hetimit të nisur kohë më parë, ku u arrestua edhe ish-zëvendësdrejtori i Burgjeve, Iljaz Labi.
Urdhri i arrestit për Zoton është zbatuar nga Policia e Shtetit pasditen e sotme.
