Gjykata Administrative e Durrësit vendosi më 17 shkurt që “Bashkia Durrës të ndërpresë punimet në pjesën e sipërme të rrugës, në sheshin para hyrjes së portit, ne vendin ku janë gjendur fragmentet arkelogjike (në seksionin ku ndodhet pallati)”.
Por edhe pas këtij vendimi, punimet për ndërtimin e Velierës prej betoni kanë vijuar edhe në këtë zonë të mbrojtur.
Ky denoncim bëhet nga ambientalisti Sazan Guri. Në këtë video Guri shpjegon se ndërhyrja në këtë zonë kundër vendimit të gjykatës është vepër penale.
Projekti i Velierës kushton 6 milionë dollarë.
Opozita thotë se kryebashkiaku socialist Dako do të jetë përfitues drejtpërdrejtë i saj, pasi betoni i kësaj trukture gjigante do të sigurohet nga kompania e betonit që Dako ka në pronësi.
