Kryebashkiaku i Tiranës ka publikuar sot rreth orës 12:40 një foto të bërë pranë Liqenit Artificial, ku shfaqet një mbrëmje romantike e dy të rinjve në natyrë, të rrethuar nga qirinj të ndezur.
Në dixhiturën shoqëruese të fotos, Veliaj thotë se “Grupe të ndryshme njerëzish e gdhinë mbrëmë jashtë, por s’besoj ja kaluan aq mirë e pa shqetësuar kënd si të rinjtë buzë Liqenit”, duke iu referuar kështu protestuesve dhe demokratëve që e kaluan natën në një çadër para Kryeministrisë për të kërkuar largimin e kësaj qeverie dhe krijimin e një qeverie teknike që do të garantojë zgjedhje të lira.
Por ndryshe nga sa shfaqet nata në foton e çiftit, mbrëmë ka qenë një natë e vrenjtur dhe me shi, kështu që do ishte e pamundur që çifti të rrinte jashtë në natyrë apo edhe qirinjtë të rrinin ndezur.
Ka qenë gazetari i News24, Bledian Koka që e ka nxjerrë blof, kryebashkiakun që e quan “Mashtruesi publik”.
“Njoftim…Njoftojmë mashtruesin publik që punon part-time edhe si spiker moti, se dje nga ora 2 pasdites e deri sot në mëngjes Tirana ka qenë e përfshirë nga një mot i paqëndrueshëm atmosferik dhe me shira të vazhdueshëm. Nëse ai ka gjet njerëz të çmendur që kanë dalë në shi e të bëjnë foto për llogari të tij, kjo është thjesht falë përdhunimit të pushtetit, por sërish dje në Tirane vetëm ai dhe ushtaret e tij mund të thonë se ka qenë një kohë ‘fantastike’ për të bërë dashuri në dritën e qirinjve përballë kioskës se Eljanit të tij personal. Në tentativën e radhës për të thënë që të rinjtë e Tiranës dashuronin dhe nuk protestonin, lali duke hequr vetullat, edhe një herë nxori sytë që t’i dalin. p.s…po tentove t’ia bësh popullit, e sigurt që një dite populli do të ta bëjë mbrapsht keq fare, po keq fare them’, shkruan gazetari Koka.
