Kreu i PD, Lulzim Basha njoftoi se opozita nuk do të largohet nga sheshi deri në garantim të zgjedhjeve të lira dhe të ndershme.
Pas këtij lajmi protesuesit kanë nisur të vendosin çadra në bulevardin “Dëshmorët e Kombit”, çka dëshmon se opozita do të qëndrojë gjatë në shesh.
Kujtojmë se policia e shtetit ka lejuar që protesta të zhvillohet vetëm për 4 orë.
Protesta nisi në orën 12:00 të ditës së sotme dhe me mijëra qytetarë nga i gjithë vendi ndodhen në shesh, ku kërkojnë largimin e qeverisë “Rama”, si të lidhur me krimin dhe korrupsionin.
