1 ton drogë është bllokuar në Kakavijë nga policia greke. Droga transportohej me një kamion me targa shqiptare.
Mësohet se kamioni u bllokua në anën greke, kurse drejtuesi i mjetit është larguar me vrap nga vendngjarja. Ai ka tentuar të kalojë në tokën shqiptare, ndërsa konfirmohet se ka hyrë në territorin tonë. Policia është vënë në ndjekje të tij. Nuk ka për momentin detaje në lidhje me identitetin e drejtuesit të kamionit. Sipas informacioneve të para, sasia e drogës ishte vendosur në një kamion frigoriferik, pikërisht pas pjesës së frigoriferit të mjetit.
Ndalimi i drogës u bë rastësisht në momentin që doganieri i turnit i kërkoi drejtuesit të kamionit të hapte kamionin për një kontroll rutinë, por ky i fundit, në vend që të bindej u largua me vrap në drejtim të kufirit të gjelbër, drejtë Shqipërisë. Pas kësaj, autoritet gjetën kanabisin dhe sekuestruan kamionin.