Deputeti demokrat Flamur Noka pas përjashtimit të tij 10 ditë nga Parlamenti doli para gazetarëve në ambientet e jashtme të Kuvendit.
Ai ka ironizuar vendimin e Kryesisë së Kuvendit, duke thënë se u përjashtua ngaqë është kundërshtar politik, ndërsa konet e krimit qëndrojnë në Parlament.
“Unë jam armiku politik dhe duhet të përjashtohem, ndërsa konet e krimit dhe baronët e krimit qëndrojnë aty. Kjo qeveri nuk meriton të qëndrojë në këmbë, sepse përbëhet nga një shumicë horrash që kërkojnë t’i mbyllin gojën opozitës. Opozita më 18 shkurt do të jetë në shesh dhe do t’u mbyllë gojën këtyre horrave”, tha Noka.
Duke iu përgjigjur interesit të mediave sa i takon përplasjes së tij me Braçen, Noka është shprehur: “Deputeti Braçe le të bëjë ç’të dojë, por puna e parë është të zbatojë rregulloren e këtij Kuvend, sepse nuk jemi këtu për fjalor rruge”.
