Presidenti i 10-të i vendit? Zbulohen emrat e parë dhe kandidaturat që përjashtohen

I ftuar në emisionin “Debati në Channel One”, të gazetarit Roland Qafoku, për të bërë analizën e punës 4-vjeçare të punës së tij, ministri për Çështjet Vendore Bledi Çuçi,  u shpreh se nuk ka asnjë shans që kandidati të jetë një emër i dalë nga Partia Demokratike.

“Nuk mund të them ende se cilët do jenë kandidatët, por jam i sigurtë se vetëm nga PD nuk mund ta dalë presidenti që do të zgjidhet së shpejti”, duke shuar zerat e një kompromisi me kundërshtarët politikë.

Ministri vijoi më tej duke thënv se PS nuk mund të lejojë që ky president të zgjidhet si figurë e dalë nga PD, duke i shtuar kësaj edhe faktin se këtë shans nuk e ka as presidenti aktual Buajr Nishani për të marrë një mandat të dytë.

LEXO EDHE  Mungesa e Cakajt shkakton debate te "Integrimi", largohen nga mbledhja Hajdari dhe Gjoni

“Kurrsesi Nishani nuk mund të jetë president në një mandat të dytë”, tha Çuçi. Deri tani emrat e hedhur si kandidatë të mundshëm për president të republikës janë Ilir Meta, Mimi Kodheli dhe Valentina Leskaj. Por asnjë prej tyre nuk mund të quhet si kandidaturë zyrtare.

Në historinë e shtetit shqiptar, nga Ahmet Zogu te Bujar Nishani janë 9 presidentë. Ndërkohë që pas rrëzimit të sistemit komunist e deri më sot, nga 6 të zgjedhur, 4 prej tyre kanë ardhur si kandidatura nga e djathta (Sali Berisha, Alfred Moisiu, Bamir Topi, Bujar Nishani) dhe vetëm 2 janë presidentë kanë qenë kandidatura të së majtës (Ramiz Alia, Rexhep Meidani).

Presidenti i 10-të që pritet të zgjidhet, ka shumë gjasa të jetë një figurë e dalë nga e majta.

PËRGJIGJU

Please enter your comment!
Please enter your name here