Pasi ish-drejtori i Muzeut Kombëtar, Melsi Labi akuzoi ministren e Kulturës, Mirela Kumbaro, se po financon projektet private si Bunk’Art, në kurriz të pasurisë publike, media publikon një tjetër skandal: Nxënësit e shkollave po detyrohen të shkojnë të vizitojnë këtë objekt duke paguar faturën prej 500 lekë, raporton televizioni “News24”.
Në kohën kur pritet të dalë buxheti për vitin 2017, Labi para se të pushohej nga puna deklaroi që mund të jetë 13 ose 14 milion lekë të reja. Ndërkohë, sipas tij, Muzeu ka nevojë për minimumi 70 milion lekë të reja.
Por, sipas Labit, ministria harxhon miliona euro në hapjen e muzeveumeve si Bunkarti etj, “ku privati merr lekët dhe i i fut në xhep. Ndërsa këto pasuri kombëtare që i kemi, nuk i ruajmë. Është detyrë e Ministrisë ta mbajë Muzeun, sepse janë lekët e taksapaguesve”.
Mjaftuan këto akuza që Melsi Labi të shkarkohej nga posti i drejtorit të Muzeut Kombëtar.
Rihapja e bunkerit anti-berthamor, i ndertuar nga qeveria komuniste rrëzë malit të Dajtit në Tirane, risolli në qendër të vëmendjes polemikat dhe aludimet lidhur me favorizim të klientëve pranë qeverisë.
Dyshimet janë se një botues që ka aktivitet në Shqipëri ka përfituar para nga fondet publike përmes favorizimit. Mediat kanë raportuar shpesh se botuesi i gazetës Shqiptarja.com, Carlo Bollino fshihet pas të dy rasteve.
