Ministrja e Kulturës Mirela Kumbaro detyron nxënësit e klasave fillore të rendin pas saj në varrezat e Dëshmorëve në Libohovë.
Braktisja e frikshme nga qytetarët e Libohovës, ka vënë në alarm Kumbaron dhe stafin e Bashkisë së Libohovës, që të hidhen në sulm për të mbushur varrezat e dëshmorëve mesditën e sotme.
Sot në fakt ka qenë dita e clirimit të qytetit të Libohovës dhe për këtë shkak, zonja Kumbaro e cila është e dyta në listën e kandidatëve për deputetë të PS në Qarkun e Gjirokastrës, ka nxituar të tregojë pak patriotizëm në varret ku prehen eshtrat e dëshmorëve të rënë për çlirimin e zonës.
Nga fotot që duken, shihet qartë popullimi i varrezave vetëm me fëmijë të klasave fillore të cilët ishin thirrur për të mbushur vakumin e krijuar nga braktisja që i kanë bërë ministres së kulturës, qytetarët e thjeshtë libohovitë.
Në kushtet kur sot është fundjavë dhe nuk ka mësim, nxënësit e klasave fillore, u thirrën me detyrim dhe në mënyrë krejtësisht abuzive nga mësuesit për të qenë në varrezat e dëshmorëve ku si “shpërblim” do të dëgjonin rrëfenjat e ministres Kumbaro, rreth rritjes ekonomike të shqiptarëve dhe vecanërisht të libohovitëve në 4 vjet qeverisje të Rilindjes.
jugunews.net
