Sot Erjon Veliaj tregoi një tjetër anë të fytyrës së tij të vërtetë sesi ai po vetë e angazhoi “shoqërinë civile” në protestën për ndërrtimin e parkut të lojërave tek kodrat e Liqenit, dhe sesi po të njëjtën “shoqëri civile” ai e ka futur nën sqetull duke i dhënë kioska pikërisht në të njëjtin vend krimi ekologjik.
Po flasim për Eljan Taninin i cili me krenari ka postuar dhuratën e kryebashkiakut Erjon Velija pas ndihmës që i dha në kohën e protestave të kodrat e Liqenit. “Për pak ditë, Parkun e Liqenit do e mbushim me libra dhe dashuri për fëmijët #libraaria 8 Shkurt 2017 “- shkruan Tanini ndërsa për biznesin e tij të ri ka krijuar edhe një faqje të veçantë në Facebook.
Pra ai që deri dje ishte gjoja simboli i protestës dhe dhunës së ushtruar nga policia bashkiake gjatë largimit të protestuesve, sot është përfituesi i parë i dhuratave të Veliajt për besnikët e tij civilë.
Një nga reagimet e para dhe më origjinale ndaj kësaj maskarade është pikërisht ai i aktorit Julian Deda i cili në një postim në Facebook ka risjellë në vëmendje puntatën e parë të këtij sezoni të Apartamentit 2XL, ku i pranishëm ishte kryebashkiaku Veliaj ndërsa shkruan: “Lodheni kot me lajme, “jo e bleu shoqërine civile, jo nuk e bleu”. Nëse je për tu shitur, do të të blejnë. Dhe ne e dinim që në fillim. Ja prova. (Video e dates 08.03.2016) P.s. Shikojeni deri ne fund.”.
Dhe në fakt roli i luajtur nga aktori Albano Bogdo (si Eljan Tanini) ëshë pikërisht ai i një protestuesi që bën gjoja sikur proteston, por që në fakt është qartazi i blerë apo shitur, vërjani emrin si të doni. Veliaj është sot pikërisht simboli sesi shoqëria civile është përdorur sot për nevojat e Edi Ramës dikur para vitit 2005, dhe me marrjen e këtij pushtetit, Veliaj thjeshtë hoqi lëkurën e deles së shoqërisë civile, dhe veshi lëkurën origjinale të asaj që i shkon më fort, të ujkut të etur për pushtet e cili sot në vijim të rrethit vicioz, nuk bën as më shume as më pak sesa mentori i tij politik Edi Rama, nën diktimin e sponsorizuesit të tyre okult Xhorxh Sorros/ SYRI.NET.
Video e puntatës së Apartamentit 2XL ku i ftuar ishte Erjon Veliaj dhe ironizohej roli i shoqërisë civile në protestat për ndërtimin e parkut të lojërave
