Pishat të cilat janë mbjellur si pemë dekorative në Lungomare në Vlorë kanë filluar të thahen.
Edhe pse projekti për ndërtimin e Lungomarës në Vlorë është në ndërtim e sipër, nga një vëzhgim i bërë nga kamera e Report TV rezulton se pishat janë tharë.
Ndërtimi i kësaj vepre shpesh është përballur me ankesa të ndryshme nga ana e qytetarëve vlonjat.
Nga informacion i marrë rezulton qe shkak për tharjen e tyre është uji i kripur i detit.Bashkia e Vlorës është në dijeni të këtij fakti, por sipas tyre nuk mund të prononcohen pasi nuk i është dorëzuar si projekt i përfunduar.
Por sipas zyrës së mjedisit në Fondin Shqiptar të Zhvillimit pishat e thara do të zëvendësohen nga firma që është duke bërë mbjelljen e tyre.‘’Kemi pasur probleme vetëm në një segment.
Stuhia e dhjetorit bëri që dallga të kalonte mbi murin e Lungormares. Kemi vetëm 11 pisha, të cilat nuk po i zëvendësojmë, pasi në projektin përfunmitar është parashikuar mborja detare me gurë që të thyen dallgët. Firma do të mbjellë pishat pa asnjë kosto shtesë’’,-u shpreh Pal Çoku, nga Zyra e Mjedisit FSHZH.
Në total numri i pishave që do të mbillen në projektin e Lungomarës është rreth 1130 të tilla, projekti i gjelbrimit arrijnë shifrën e 930 milion lekë të vjetra.
