Gjyqtari italian, Nicola Ricoli, i cili ishte në listën paraprake të FIFA-s, ka vendosur të mos jetë në “Rusi 2018”.
Lajmi u dha nga presidenti i Shoqatës Italiane të Arbitrave (AIA), Marccelo Nici.
Përmes një letre dërguar këtij të fundit, 45-vjeçari nga Rexhio Emilia mes të tjerash shkruan: “Gjithçka e ka një fillim dhe, sigurisht edhe një fund. Besoj se është e drejtë t’ua lë të njëjtën mundësi edhe të tjerëve”.
Letra është dërguar të premten dhe vendimi i Ricolit nuk ka lidhje me polemikat që shkaktuan vendimet e tij në ndeshjen e së dielës mes Juventusit dhe Interit.
45-vjeçari do të vazhdojë të arbitrojë në Serinë A edhe sezonin e ardhshëm. Me largimin e “bilbilit” kryesor, gjyqtari më favorit nga Italia që do të vendosë drejtësi në Kupën e Botës është Xhanluka Roci.
