Ka dështuar për të dytën herë marrja e dëshmisë së juristit Shkëlzen Berisha, i thirrur në komisionin hetimor për CEZ, që drejtohet nga deputeti i PS Taulant Balla.
Seanca, për privatizimin e OST-së tek kompania çeke, u shoqërua me debate të forta dhe refuzim të betimit nga ana e djalit të ish-kryeministrit Sali Berisha, Shkëlzen Berisha, i cili kërkon largimin e Ballës nga drejtimi i këtij komisioni, pasi socialisti rezulton i dënuar për shpifje ndaj juristit.
Debate të forta pati mes deputetëve të opozitës dhe atyre të mazhorancës. Seanca u ndërpre nga Balla.
Debati në komisionin për “CEZ”:
Balla: Lexo deklaratën e betimit…
Manja lexon betimin…
Shkëlzen Berisha: Kam një kërkesë…
Balla: S’ke shans të ndryshojë drejtuesi i seancës. Je mësuar t’u caktosh gjyqtarin…
Shkëlzen Berisha: Kam një ëkrkesë paraprake…
Balla: Thuaj emër e mbiemër dhe atësinë e pastaj bëj kërkesën paraprake…
Shkëlzen Berisha: Zoti Manja…Deklaratë paraprake.
Balla: Manja lexo deklaratën
Manja lexon formulën e betimit
Shkëlzen Berisha: Zoti Manja kush e drejton seancën ti, apo i dënuari për shpifje?
Balla: Këtë e drejtoj unë…Historia kur ti cakton prokuror e gjyqtar dhe e bën betimin kur do ti ka mbaruar, me reformën për drejtësi…Kërkesën paraprake bujrum cohu dhe depozitoje në prokurori…
…
Balla lexon kërkesën e Berishës për të dhënë dorëheqjen.
Balla-Berishës: Ky Komision ka refuzuar kërkesa të ngjashme…Kërkesa pranohet vetëm nëse jeni i pandehur…
Refuzimi për të dëshmuar…dënohet me gjobë ose me burgim…Kërkesa juaj paraprake është shqyrtuar…
Ristani: Jemi para një mashtrimi…Duhet ta shqyrtosh. Kur e ke shqyrtuar? Duhet të marrësh një vendim…
Balla: Dakord. Nuk miratohet prapë kërkesa…
Ristani: A je në vete…Ti nuk voton për vete. Kur ka kërkesë për përjashtim nuk votohet për vete…
Pjerin Ndreu: Keni gjysëm orë që merreni me lloj-lloj historish…Doni të vononi dëshminë. Jemi për ta sqaruar, jo për ta akuzuar. Kam një propozim që ta shqyrtojmë këtë kërkesë…
Balla: O zoti Ndreu e kemi shqyrtuar këtë kërkesë…
Ndreu-deputetëve të PD: E keni dëshmu që e mbroni…
Deputetët e PD-Ndreut: Edhe ju jeni në të njëjtin mendim me ne për ta shqyrtuar kërkesën…
Balla: Jep dëshminë, pastaj do shqyrtojmë kërkesën…
Bode: Jemi kthyer në qesharakë…na vjen zor kur vijmë këtu…se kështu e katandiset ju.
Bode-Ballës: Është e faktuar që jeni mashtrues dhe nuk mund t’i kontribuoni të vërtetës…Juve nuk e njihni ligjin.
Berisha: Ti je shpifës, sa hap gojën shpif…Përgjigjiu kërkesës…Përgjigjiu kërkesës
Balla: Seanca ndërpritet derisa dëshmitari të vijë të dëshmojë…Ndërpritet seanca…
###
Pak minuta pa u thirrur Shkëlzen Berisha, deputeti i PD në këtë komision, Arben Ristani dhe kreu i Komisionit Taulant Balla debatuan nëse ka apo jo konflikt interesi mes Ballës dhe Berishës.
Arben Ristani: Ju kemi bërë me dije se është konflikt i hapur dhe i pastër interesi mes jush dhe dëshmitarit që keni thirrur (Shkëlzen Berishës)…Keni marrë dënim me shpifje ndaj dëshmitarit. Jeni në borxh me të, akoma s’ja keni paguar paratë…Po e përdorni këtë Komision për veprime që s’janë komform të ligjit.
Balla: Dakord, dakord. Mbaruat? Do ia marrim dëshminë.
Ristani: Duhet të jepni dorëheqjen…
Balla: Kreu i Kuvendit i ka kthyer përgjigje…Ka pasur precedent të ngjashëm. Patozi drejtonte Komisionin për nisjen e shkarkimit të kryeprokurorit Sollaku. Patozi kishte humbur 3 gjyqe për shpifje kundër Sollakut…Ishte dënuar me gjobë…Ne nuk kemi ngritur komision për Shkëlzen Berishën…Precedenti është. Një tjetër e kemi para pak kohës. Të vijë dëshmitari…!
…
Ristani-Manjes: Je papagall!
###
Seancën e shkuar
Që në nisje të seancës, Shkëlzen Berisha i është drejtuar Ballës se nuk mund të betohet për dëshminë e tij përpara Taulant Ballës për shkak se kanë konflikt të hapur interesi. Në bazë të një vendimi gjykate, rezulton se Taulant Balla është dënuar me gjobë për shpifje ndaj Shkëlzen Berishës.
Taulant Balla: Gjeneralitetet dhe betimin.
Shkëlzen Berisha: Gjeneralitetet i ke tek vendimi i gjykatës tek padia ime ku ti je i dënuar për shpifje. Ke konflikt të hapur interesi. Çohu prej aty.
Arben Ristani: Ajo pjesë e komisionit që është e interesuar për dëshminë duhet të marrë masat që ajo dëshmi të merret. Neve nuk na intereson, ju intereson juve që e keni kërkuar dëshminë.
Meqë ju e doni dëshminë krijoni mundësitë që ajo të merret. Zotëria ka një problem personal me kryetarin. Ju ka paditur për shpifje në Gjykatë. Krijoni mundësinë që dëshmia të merret. Ajo që propozoj është konkrete, thjesht nuk e drejtoni ju komisionin, e drejton një tjetër. Ju jeni dënuar për shpifje.
Balla: Për të mundësuar marrjen e dëshmisë, do tju kërkoja mediave të largohen.
