Arqipeshkvi i Shkodrës, Angelo Massafra ka replikuar me ministrin e Brendshëm, Saimir Tahiri duke shpjeguar se përse shqiptarët mbajnë armë.
“Njerëzit janë të armatosur sepse kanë frikë. Janë të frikësuar, ndaj mbajnë armë. Nuk janë të sigurtë se do ti mbrojë shteti”, është shprehur Massafra në prani të ministrit të Brendshëm, i cili ka nisur një tur takimesh nëpër Shqipëri.
“I bëj thirrje që të dorëzojnë armët, por edhe shteti duhet të jetë më i fortë dhe të mbrojë qytetarët në mënyrë që të mos kenë frikë dhe të mos mbajnë armë” është shprehur më tej Arqipeshkvi i Shkodrës, Angelo Massafra.
Deklarata e Massafrës është bërë në fshatin Dajç, në prani të ministrit Saimir Tahiri, i cili mori pjesë në një aktivitet për mbledhjen e armëve.
