Përplasja dhe akuzat e ndërsjellta mes ambasadorit të ShBa-ve në vendin tonë Donald Lu dhe kryeprokurorit Adriatik Llalla kanë tërhequr edhe vëmendjen e mediave amerikane.
“Washington Post” shkruan se prokurori i përgjithshëm i Shqipërisë është përfshirë në një konfrontim të ashpër flakë për të enjten me ambasadorin të SHBA-së, i cili e akuzoi atë për pengimin e reformës gjyqësore, që është thelbësore para se të fillojnë bisedimet për anëtarësimin e vendit në BE.
Llalla akuzoi ambasadorin Donald Lu për “sulmet krejtësisht jodiplomatike” dhe gjithashtu për përdorim të shantazhit për të mbyllur një hetim për një kompani ndërkombëtare.
“Presioni i tillë nga ambasadori i SHBA-së në Tiranë synon të manipulojë opinionin publik dhe të zhvlerësojë institucionet”, tha Llalla në një deklaratë dërguar me email për Associated Press.
Më parë, Lu e kishte akuzuar Llallën se pengonte reformën gjyqësore dhe për shkelje të kushtetutës në emërime në këshillin gjyqësor “të zgjedhur pa transparencë.”
Lu tha se gjykatës dhe prokurorë ndërkombëtarë nga vendet anëtare të BE-së dhe nga SHBA-ja do të vijnë javën e ardhshme për të monitoruar procesin e reformave dhe verifikimit të zyrtarëve të emëruar në organet e tij ekzekutive.
Javën e kaluar ambasada e SHBA-së njoftoi, pa dhënë emra, se kishte anuluar vizat për një numër të prokurorëve dhe gjykatësve të lartë shqiptarë, duke thënë se “do të vazhdojë ta përdorë këtë pushtet për të çuar përpara përpjekjet e anti-korrupsionit në Shqipëri.”
Llalla pranoi se ai dhe gruaja e tij ishin në mesin e atyre në shënjestër.
Reforma, e përgatitur me ndihmën e ekspertëve të BE-së dhe SHBA-së dhe e shqyrtuar nga Këshilli i Komisionit të Venecias të Evropës, u miratua njëzëri në korrik të vitit të kaluar. Ajo synon të sigurojë pavarësinë politike të gjyqtarëve dhe prokurorëve dhe të çrrënjosës ryshfetin.
Por partitë e opozitës dhe disa shoqata të gjyqtarëve dhe prokurorëve e kanë kundërshtuar ashpër reformën duke vonuar fillimin e saj.
BE-ja do rezultate të prekshme para vendosjen së ndonjë datt për negociatat për anëtarësim. Shqipërisë iu dha statusi i kandidatit të BE-së në vitin 2014, shkruan prestigjozia amerikane.
