Pas akuzave dhe kundërakuzave mes ambasadorit të SHBA në vendin tonë Donald Lu dhe kryeprokurorit Adriatik Llalla, presidenti Nishani thirri në zyrë shefin e organit të akuzës.
Pas kësaj lëvizjeje, ambasadori Lu ka shkuar në zyrën e kryeministrit Rama, ku mësohet se ka qëndruar disa minuta aty dhe më pas i është drejtuar zyrës së ministrit të Brendshëm, Saimir Tahiri. Nuk ka njoftim zyrtar se me kë është takuar ambasadori, duke qenë se kryeministri Edi Rama ndodhet në Kosovë, në një vizitë zyrtare.
Sakaq takimi mes Lu dhe Tahirit po zhvillohet në zyrën e ministrit tek Ministria e Brendshme.
