Shkurtime drastike nga puna në HEC Moglicë. Firma Limak ka njoftuar punëtorët se duke nisur nga data 20 shkurt do të ndërpresë kontratën kolektive të punës për shkak të mbylljes së disa sektorëve dhe ndryshimit të sistemit funksional të punimeve në HPP Moglicë.
Aktualisht në firmën Limak janë të punësuar 728 punëtorë. Drejtuesit e saj njoftojnë se numri i punëtorëve që do ti nënshtrohen pushimit kolektiv është 250.
Punëtorët dhe sindikata janë ankuar në Ministrinë e Energjitikës dhe digasteret përkatëse. Por deri më tani nuk kanë marrë asnjë përgjigje.
Burime për infoelbasani.al bënë me dije se vetë ministri Damian Gjiknuri është njohur me situatën dhe pritet që në ditët në vazhdim të realizojë një takim në HEC Moglicë.
Shkurtimi nga puna i 250 familjeve thellon problemet sociale për këto familje të cilat si burim mbijetese kanë vetëm të ardhurat që sigurojnë nga puna në hidrocentral./Infoelbasani.al
