Ministri i shkarkuar i Drejtësisë, Ylli Manjani, akuzat e tij nuk i drejtoi ndaj gjithë kabinetit qeveritar.
Manjani, në konferencën për shtyp teksa po shigjetonte Ramën se nuk lejonte shprehjen e lirë të mëndimit në mbledhjet me të, tha se në rradhët e ekzekutivit ka edhe ministra efiçentë, por që i “kanë shkelur syrin”, jo pak herë Manjanit kur është përballur me shefin e qeverisë.
Manjani u shpreh se ka thënë dhe do të thotë gjithmonë të vërtetën lidhur me punën e qeverisë, sepse përpos siglës politike që mban, ai tha se është profesionist.
Duke folur pa dorashka ashtu siç prentendoi ai, Manjani shtoi se është i përgatitur për çdo skenar. Duke lënë të kuptohet se presioni për shkarkimin e tij nga detyra ka qenë i fortë dhe mund të sjellë dhe pasoja të tjera, përveç firmës në letër që hodhi Rama për zvendësimin e tij me Petrit Vasilin.
