Policia ka kapur një tjetër gomone të ngarkuar me afro 506 kg kanabis, e nisur nga Shqipëria drejt Italisë.
Raportohet se gomonia është kapur nga Guardia di Finanza dhe Frontex, në bashkëpunim edhe me policinë shqiptare. Operacioni për kapjen e gomones është zhvilluar 20 milje në afërsi të San Cataldos në Leçe. Ku dhe është bllokuar gomonia 6 metra e gjatë me dy shqiptarë në bord.
Dy skafistët shqiptarë B. H., 48 vjeç, banues në Vlorë dhe E. N., 31 vjeç, banues në Vlorë, janë arrestuar nga Guardia di Finanza për veprën penale “Trafik ndërkombëtar i lëndëve narkotike”.
Raportohet se gjatë operacionit dy skafistët e kanë hedhur lëndën narkotike në det.