Trafiku i drogës nga vendi ynë drejt Italisë s’ka të ndalur. Një skaf i nisur nga brigjet e Vlorës dhe i ngarkuar me drogë është kapur nga policia. Skafi kishte destinacion Italinë.
Shërbimet e policisë kufitare dhe Guardia di Finanza, rreth orës 16:30 të pasdites së sotme, 23 milje larg Karaburunit në det të hapur u bë e mundur kapja e një motoskafi të ngarkuar me lëndë narkotike.
Sipas policisë në motoskaf gjendeshin dy shtetas italianë dhe një shqiptar, të cilët për t’i shpëtuar ndjekjes së Policisë e hodhën lëndën narkotike në det.
Aktualisht po punohet për grumbullimin e lëndës narkotike dhe kapjen e bashkëpunëtorëve të tjerë në dy vendet, bën me dije policia.
