“Kërkoj ndjesë për të gjithë qytetarët vlonjatë për Lungomarën, zvarritjen e punimeve dhe për situatat që kanë ndodhur në të”.
Kështu është shprehur kryebashkiaku i Vlorës, Dritan Leli, i cili ka pranuar publikisht kaosin e qarkullimit dhe tragjedinë që ka krijuar deri më sot projekti në qytetin bregdetar. Kujtojmë se në këtë segment humbi jetën Kristi Panajoti dhe një tjetër mbeti i plagosur.
Por Leli premtoi se ky investim do të konkretizohet brenda këtij viti.
Deklaratat e Lelit u bënë në ambientet e teatrit “Petro Marko”, ku është prezantuar projektbuxheti i bashkisë.
