Deputeti i rilindjes, Alfred Peza teksa ishte i ftuar në Top Story u pyet për 1.13 miliard lekë të deklaruara si pasuri e tij të krijuar nga të ardhurat ndër vite.
Por Balla i kërkoi deputetit Peza disa herë që të sqarojë shqiptarët sesi i ka bërë këto miliarda, por Pezës i dridhej zëri ndërsa iu shmang 3-4 herë pyetjes.
Balla i kërkoi sërish që deputeti Peza të flasë hapur dhe pa dorashka, por deputeti i PS-së filloi të fliste për prindërit, motrën, kunatin, vëllain e kushurinjtë.
Peza shtoi se 1/3 e pasurisë së tij e ka të vënë nga interesat bankare por nuk tregoi sesi kishte krijuar kapitalin fillestar.
“331 milionë fitime nga interesat në historinë time 15-vjeçare në një bankë. 1/3 e pasurisë time që përflitet, ka ardhur vetëm nga interesat bankare duke depozituar kohë pas kohe. Janë të gjithë kurimet e mia familjare. Normat e interesit kanë qenë të larta. Unë kam 100 milionë lekë vetëm në 20 muajt e fundit të karrierës sime në media. Përveç kësaj, media ka mënyra të ndryshme të ardhurash ka rrogë bazë, ka honoraret, bonuset dhe përqindje reklamash”, u shpreh ai.
Deputeti Alfred Peza e quan të sajuar politikisht gjithë historinë që qarkullon në media në lidhje me pasurinë e tij.
“Këto ditë ka një zhurmë të madhe të madhe përsëri me miliona, siç është hetimi për CEZ-in, ku një i afërm i Qeverisë Berisha ka tërhequr kesh para nga një bankë 7 milion euro”, tha ai.
Këtë sulm, ai e quajti “reciprocitet politik”.
“Ka një reciprocitet politik në sulmin tim. Reciprociteti ishte hajde të shpikim një histori paralele në anën e mazhorancës që bën fjalë po për miliona dhe njerëz politikë dhe u gjet historia e Alfred Pezës”, tha ai, duke shtuar se shkrimi fillestar për pasurinë e tij jep me qëllim disa pasaktësi.
