Një 32-vjeçar nga fshati Cerkovinë e Vlorës është arrestuar mbrëmjen e së shtunës tek Rotondoja e Savrës në Lushnjë.
Policia kishte nisur një operacion antidrogë të koduar “Savra” dhe në kuadrin e tij e ka ndaluar shtetasin Arben Begaj që udhëtonte me një Volkswagen me targa AA 488 HL dhe i ka kontrolluar makinën.
Brenda saj u gjendën 32 kg kanabis që dyshohet se ishte destinuar për t’u trafikuar jashtë vendit.
Materialet proceduriale i kaluan Prokurorisë pranë Gjykatës së Shkallës së Parë Lushnje për veprat penale “Prodhimi dhe shitja e narkotikëve” dhe “Trafik të lëndëve narkotike” i mbetur në tentativë.
