Flet për herë të parë ish-bashkëshortja e deputetit Alfred Peza, Adelina Toli. Zonja Toli reagon pas lajmit të transmetuar se “kishte pranuar t’i tregonte “të gjitha” me kusht që t’i ofrohej siguri djalit që ka me deputetin e PS-së”.
Por sipas saj ajo “kurrë nuk e ka deklaruar një gjë të tillë dhe se të gjitha janë shpifje të ulëta”.
Dikur vetë pjesë e “Koha Jonë”, Toli thotë se i vjen keq për “llumin” që është media sot.
“Janë pikërisht ata që na kanë mësuar dikur gazetarinë ne, që shkruajnë gjëra të pavërteta sot. Unë jam shprehur e gatshme për t’ju përgjigjur çdo pyetje të Prokurorisë deri në fund të hetimit. Por kurrë nuk kam kërkuar sigurinë e tim biri. Nga çfarë është i rrezikuar im bir? Nga i ati?!! Kjo është tërësisht qesharake dhe absurde”, thotë për “Newsbomb.al” ajo.
Zonja Toli shton se me ish-burrin ka raporte normale.
